Сайта кӗр | Регистраци | Сайта кӗрсен унпа туллин усӑ курма пулӗ
 +18.3 °C
Васкакан вакка сикнӗ тет.
[ваттисен сӑмахӗ]
 

Хыпарсем: етӗрне районӗ

Пӑтӑрмахсем
tomsk.kp.ru сайтри сӑн
tomsk.kp.ru сайтри сӑн

Паян шыв ҫинче тепӗр инкек пулнӑ. Каллех ача путса вилнӗ.

Ку инкек Етӗрне муниципаллӑ округӗнчи Уйкас Асламас ялӗ ҫывӑхӗнчи пӗвере пулнӑ. «Контактри» халӑх тетелӗнчи «Вести Ядринского района» ушкӑн пӗлтернӗ тӑрӑх, ачан кӗлеткине шывран ҫӑлавҫӑсем кӑларнӑ. Арҫын ача 14 ҫулта пулнӑ.

Хыпар ҫӑлкуҫӗ: https://vk.com/wall-35580619_19776
 

Республикӑра
smoladmin.ru сайтри сӑн
smoladmin.ru сайтри сӑн

Етӗрне округӗнчи Янӑм ялӗнчи пӗр кил хуҫалӑхӗнче кушак вилнӗ. Ҫавна май утӑ уйӑхӗн 22-мӗшӗнченпе унта карантин пулнине йышӑннӑ.

Патшалӑх ветеринари служби пӗлтернӗ тӑрӑх, вилнӗ кушак аҫин урнӑ чир пулнӑ.

Чир ҫӑлкуҫӗ - Тӗп урамри 9-мӗш ҫурт. Унтан 900 метр радиусри территори ӑнӑҫлах шутланмасть. Карантин вӑхӑтӗнче чӗрчунсемпе ҫыхӑннӑ ярмӑрккӑсем, куравсем, суту-илӳ, ытти мероприяти ирттерме юрамасть.

 

Чӑвашлӑх
"Контактри" сӑн
"Контактри" сӑн

Етӗрне округӗнче ХIХ ӗмӗрти чӑваш хресченӗн хуҫалӑхӗн музейӗнче «Манӑҫми аваллӑх» фольклор уявӗ иртнӗ.

Ӑна питӗ пуян та интереслӗ йӗркеленӗ: тематика конкурсӗсем, чӑваш ҫамрӑкӗсен вӑййисем пулнӑ. Вӑрнар, Канаш, Шупашкар, Елчӗк округӗсенчи пултаралӑх ушкӑнӗсем юрӑ-ташӑпа савӑнтарнӑ. «Выйкӑт» ҫемье фольклор ансамблӗ кӗсле калас, вӗтӗ шӑрҫапа тӗрлес енӗпе ӑсталӑх класӗ ирттернӗ.

Хыпар ҫӑлкуҫӗ: https://vk.com/wall-191629825_68905
 

Пӑтӑрмахсем
"На связи" форумри сӑн
"На связи" форумри сӑн

Етӗрне округӗнчи Сӑрҫи ялӗ ҫывӑхӗнчи пӗвере 1986 ҫулта ҫуралнӑ хӗрарӑм путса вилнӗ. Ку инкек утӑ уйӑхӗн 13-мӗшӗнче пулнӑ.

Шупашкарти Дементьев урамӗнчи 7-мӗш ҫуртӑн чатӗнче ҫакна сӳтсе яваҫҫӗ. Унта пӗлтернӗ тӑрӑх, ҫав хӗрарӑмӑн 4 ача юлнӑ. Ашшӗ вара пӗлтӗр вилнӗ-мӗн. Ҫынсем ҫемьене, ачасене пулӑшас тесе укҫа пухма тытӑннӑ.

Аса илтерер: ҫав каҫах Шупашкарти тӗп пляжра ӳсӗр арҫын путса вилнӗ.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Утӑ уйӑхӗн 11-мӗшӗнче «Единый день фольклора» (чӑв. Фольклорӑн пӗрлехи кунӗ) пӗтӗм Раҫҫейри акци пуҫланӗ. Чӑваш Енре ҫавна май «Манӑҫми аваллӑх» ҫамрӑксен республикӑри фольклор уявне ирттерме палӑртса хунӑ.

Фольклор уявне утӑ уйӑхӗн 17-мӗшӗнче Етӗрне муниципаллӑ округӗнчи ХIХ ӗмӗрти чӑваш хресчен хуҫалӑхӗн музейӗнче пуҫтарӑнӗҫ.

Хальхи саманара цифрӑсен чӗлхипе калаҫма юратаҫҫӗ те, маларах асӑннӑ акци вӑхӑтӗнче республикӑри культурӑпа кану учрежденийӗсенче 100 ытла тематика мероприятийӗ иртмелле, вӗсене 3 пине яхӑн ҫын хутшӑнмалла тесе ӗнентерет Культура министерстви.

 

Пӑтӑрмахсем
Кандинский нейросеть сӑнӳкерчӗкӗ
Кандинский нейросеть сӑнӳкерчӗкӗ

Етӗрнери прпокуратура 70 ҫулти арҫынна хӳтӗленӗ. Лешӗ улатвҫӑсене пула шар курнӑ.

Пӑтӑрмах кӑҫалхи нарӑс уйӑхӗнче пулса иртнӗ. Асӑннӑ тӑрӑхра пурӑнакан 70 ҫулти хӗрарӑм патне ултавҫӑсем шӑнкӑравланӑ, хӗрӗ ҫул ҫинчи инкеке лекнӗ, ӑна васкавлӑн операци тумалла тесе хӑратнӑ. Операци тума укҫа кирлине пӗлтернӗ. Пӑлханса ӳкнӗ хӗрарӑм курьер урлӑ 300 пин тенкӗ тыттарса янӑ.

Укҫа патне пынӑ ҫын Чулхула облаҫӗнчи 33 ҫулти арҫын пулнӑ. Пуҫиле ӗҫ пуҫарсан вӑл тӑкакӑн пӗр пайне, 150 пин тенке, саплаштарнӑ.

Шар курни ватӑ ҫын пулнине кура прокуратура кинемее хӳтӗлесе ытти укҫана та шыраса илме суда тавӑҫпа тухнӑ. Ултавҫа вара 2 ҫул та 6 уйӑхлӑха тӗрмене хупса хумасӑр ирӗкрен хӑтарма йышӑннӑ.

 

Политика
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар хула администрацийӗн Ленин районӗнчи управине Геннадий Маслов ертсе пыма тытӑннӑ.

Геннадий Маслов 1966 ҫулта Елчӗк районӗнчи Хӑвӑлҫырма ялӗнче ҫуралнӑ. 1988 ҫулта Хусанти ракета ҫарӗсен аслӑ ҫар команда инженери училищичнен вӗренсе тухнӑ. 6 ҫул ҫарта службӑра тӑнӑ хыҫҫӑн Чӑваш Енри Куславкка районӗнче шалти ӗҫсен пайӗнче ӗҫленӗ. Унта вӑл 1994-2001 ҫулсенче тӑрӑшнӑ. Кайран ӑна Етӗрне районӗнче шалти ӗҫсен пайне ертсе пыма шаннӑ, кӑштахран Шупашкарта ҫав тытӑмра тимленӗ. 2011-2021 ҫулсенче Елчӗк чӑвашӗ Норильскра Шалти ӗҫсен пайне ертсе пынӑ.

 

Республикӑра
rsn-rb.ru сайтри сӑн
rsn-rb.ru сайтри сӑн

Етӗрне муниципаллӑ округӗнчи Пупӑлькасси ялӗ ҫывӑхӗнче ҫул хӗрринчи йывӑҫсем патӗнче ҫӳп-ҫап йӑваланнӑ. Санкциллӗ мар свалка, йӑлари каяшсем, 25 тӑваткал метр лаптӑк ҫинче пулнӑ. Кун пирки прокуратурӑна пӗлтернӗ.

Муниципаллӑ округ пуҫлӑхӗ тӗлӗшпе прокуратура представлени ҫырнӑ. Ҫӳп-ҫап купине мӗнле тӗп тунине район прокуратури тӗрӗслесе тӑрӗ.

 

Персона

ЧР Элтеперӗ Олег Николаев бокс енӗпе Европа чемпионӗн ятне илнӗ Валерий Лаптева мӗн виличчен пособи памалла тунӑ. Вӑл ҫӗртме уйӑхӗнчен пуҫласа 5 пин тенкӗ илсе тӑма тытӑнӗ.

Валерий Лаптев 1959 ҫулта Етӗрне районӗнчи Стрелецки ялӗнче ҫуралнӑ. 12 ҫултанпах спортпа туслӑ пулнӑ. Унӑн Лос-Анджелесра иртнӗ Олимп вӑййисенче ылтӑн медаль илмелле пулнӑ. Анчах ҫӗршыв правительстви политикӑпа ҫыхӑннӑ сӑлтавсене пула байкот панӑ.

Лаптевӑн пухматӗнче – 199 ҫапӑҫу, вӗсенчен 182-шӗ ҫӗнтерӳпе вӗҫленнӗ.

 

Республикӑра
"Контактри" сӑн
"Контактри" сӑн

Етӗрне муниципаллӑ округӗнчи Сантикасси ялӗнче пурӑнакан Алексей Ятрушев ӑпӑр-тапӑра ҫӳп-ҫап купи ҫине тухса пӑрахман. Вӑл вӗсенчен беседка туса лартнӑ.

Арҫын ӑна тунӑ чухне пластик кӗленчесемпе усӑ курнӑ. Пӑккисемпе вара илемлетнӗ.

Ҫапла Алексей Ятрушев ӑпӑр-тапӑра иккӗмӗш пурнӑҫ парнеленӗ.

Хыпар ҫӑлкуҫӗ: https://vk.com/wall-143818234_382108
 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ... 79
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.08.2025 15:00) пӗлӗтлӗ ҫанталӑк, атмосфера пусӑмӗ 752 - 754 мм, 17 - 19 градус ӑшӑ пулӗ, ҫил 4-6 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 29

1891
134
Назаров Андрей Кузьмич, патшалӑх ӗҫченӗ ҫуралнӑ.
1916
109
Осокина Софья Павловна, пир ҫинче ӳкерекен ӳнерҫӗ ҫуралнӑ.
1937
88
Чернышев Александр Александрович, опера юрӑҫи, Чӑваш АССР тава тивӗҫлӗ артисчӗ ҫуралнӑ.
1963
62
Маттикасси, Хырлӑх, Чӑршӑ тата Чӗрӗп ялсене пӗрлештерсе Вомпӑкасси ялне йӗркеленӗ.
1968
57
Былинкина Лариса Геннадьевна, актриса, Чӑваш Республикин тава тивӗҫлӗ артистки ҫуралнӑ.
2010
15
Игнатьев Михаил Васильевич президент вырӑнне йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хуть те кам тухсан та
хуҫа хӑй
ӑсатма тухни — ҫылӑх, юрамасть
хуҫа тарҫи
пӗтӗм кил-йышпа тухаҫҫӗ
хуҫа арӑмӗ
кил-йышри арҫын
хӑнана ӑсатма никам та тухмасть